«Ҳара асаммит аҟынтә уамак ҳазыҧшымызт, избанзар Мраҭыгалаҿ НАТО арҭбаара азҵаара НАТО алидерцәа излацәажәоз аусхәаҧштә иаламызт», — иҳәеит Қырҭтәыла апарламентаҿ иҟоу атәылахьчареи ашәарҭадареи рзы акомитет ахантәаҩы Иракли Бераиа.

Иара ишиҳәаз ала,  НАТО алахәылацәа, иаҳа агәымшәара аарҧшны, игәаҕьны аӡбара рыдыркылароуп.

«Европа агәҭаны аибашьра анымҩаҧысуа аамҭазы, мрагыларахь НАТО арҭбаара ҳазыҧшымызт.  Украина иадҳәаланы аҳәарақәа рымҧсахит. Акоммиунике иануп Украина аҳәарақәа зегьы анынагӡалак, алианс алахәылацәа зегьы ари азҵааразы ианеиқәшаҳаҭхалак, Украина  хымҧада НАТО ашҟа ааҧхьара аиуеит ҳәа.  НАТО алахәылацәа, иаҳа агәымшәара аарҧшны, игәаҕьны аӡбара рыдыркылароуп ҳәа сгәы иаанагоит. Қырҭтәыла  НАТО алахәызаара акритериқәа зегьы ирышьашәалоуп, Алианс алаларазы ҳахиоуп, аидгылаҩцәа, игәаҕьны, аӡбара рыдыркылароуп», — иҳәеит Иракли Бераиа.