Аинаалареи атәылауаҩратә аиҟарареи азҵаарақәа рзы аҳәынҭқарратә министр иаппарати  Аџьар Қаҧшь жәларбжьаратәи акомитети  русеицура ала,  ақырҭуа-аҧсуа акоординациатә механизм аҳәаақәа ирҭагӡаны,  импыҵахалоу Аҧснынтә ииаган 1990-тәи ашықәсқәа рзы иҟалаз аибашьраан хабарда ибжьаӡыз, 23-ҩык рыҧсыбаҩқәа, урҭ ртәылауаҩратә панихида мҩаҧысит Самеба аныхабааҿы.

Аинаалареи атәылауаҩратә аиҟарареи азҵаарақәа рзы аҳәынҭқарратә министр иаппарат аинформациала, 17-ҩык аибашьцәа, арратә ҳаҭырла, анышә иамардеит Диҕоми иҟоу аешьаратә нышәынҭраҿы, егьырҭ, рҭаацәарақәа рыӡбарала, еиуеиҧшым аҭыҧқәа рҿы анышә иарҭеит.

Аинаалареи атәылауаҩратә аиҟарареи азҵаарақәа рзы аҳәынҭқарратә министр иаппарати  Аџьар Қаҧшь жәларбжьаратәи акомитети  русеицура ала,  1990-тәи ашықәсқәа рзы иҟалаз аибашьреи 2008 шықәсатәи нанҳәатәи аибашьареи раан  хабарда ибжьаӡыз ауаа рыҧшаара амеханизм аҳәаақәа ирҭагӡаны, раҧхьаӡа акәны аҧсыбақәа ҧшааны ииаргеит 2013 шықәсазы. Зыӡбахәы ҳәоу амеханизм аҳәаақәа ирҭагӡаны уажәазы зынӡа иҧшааны ииагоуп 604-ҩык рыҧсыбаҩқәа, урҭ рҟынтә 288ҩык рыхьӡқәа еилкаауп.