«Европатәи амҩа анаҳәра амшала, Германтәыла аҵареи аҵарадырреи рминистрра Қырҭтәыла аҵара аминистрреи егьырҭ ақырҭуа усбарҭақәеи  аус рыцура иаҟәыҵуеит», – иануп Қырҭтәыла иҟоу Германтәыла ацҳаражәҳәарҭа аҳәамҭаҿы.

Аҳәамҭа ишану ала,  Қырҭтәыла анапхгара аҩныҵҟатәи адеескалациа иацхрааша ашьаҿақәа ҟарҵар, BMBF  адиалог аиҭалагара иазыхиоуп.

«Европатәи амҩа анаҳәра амшала, Германтәыла аҵареи аҵарадырреи рминистрра Қырҭтәыла аҵара аминистрра аус ацура иаҟәыҵуеит Аамҭакала, Қырҭтәыла анапхгара  аҩныҵҟатәи адеескалациа иацхрааша ашьаҿақәа ҟарҵар, BMBF  адиалог аиҭалагара иазыхиоуп.

Ҳара агәра ганы ҳаҟоуп Қырҭтәылеи Германтәылеи рыбжьара астудентцәа реиҭныҧсахлара Европа азааигәахара апроцессаҿ аҵакы ду шамоу, убри аҟынтә, ари апрограмма нагӡахоит. Хазхаҭалатәи афинансыркра апроектқәагьы нагӡахоит, убри ала, европатәи, акосмополиттә Қырҭтәыла иадгыло аганқәа зегьы ашьҭымҭа  раҳҭоит.

BMBF  анемец университетқәеи аҵарадырраҭҵааратә аиҿкаарақәеи ирыбжьанагоит Қырҭтәыла аҳәынҭқарратә усбарҭақәа аус рыцура иаҟәыҵырц. Аха, академиатә хақәиҭра апринцип иазҧхьагәаҭаны, аҵыхәтәантәи аӡбара рыдыркылоит аҵарадырратә уаажәларра», – иануп аҳәамҭаҿы.