Аицфинансыркра афонд ҧасатәи анапхгаҩы  Гьаргь Бачиашвили  апартиа «Ақырҭуа гәахәтәы» ашьаҭаркҩы Биӡина Иванишвили икриптовалиута аҕьычразы 11 шықәса аҭакра иқәырҵеит.

Ари ақәҵара идикылеит Қарҭ ақалақьтә аӡбарҭа аӡбаҩ Гьаргь Гелашвили.

Аҧара ахартәразы Гелашвили  10 шықәса иқәырҵеит, азакәандаратә хашәала азакәантәразы  — 11 шықәса.

Аӡбаҩ ишазгәеиҭаз ала Бачиашвили изы заанаҵтәи аҧкратә усмҩаҧгатә мҩаҧган, аха, дыбналаны Қырҭтәыла дықәҵит, убри аҟынтә, аҧкратә усмҩаҧгатә рыҧсахит.

Зыӡбахәы ҳәоу аус  2017 шықәсатәи ахҭысқәа ирыдҳәалоуп. Бачиашвили аинвестор  8 986 биткоинқәа ицәиҕьычит, усҟантәи акурс ала арҭ абиткоинқәа  43 миллион адоллар аҟара иаҧсан.

Убри адагьы, аинвестор иқәнагаз ахашәала ацынхәрас  536 900 адоллар мацара ииҭеит.

Бачиашвили ари ахара иазхеиҵом.

Зыӡбахәы ҳәоу ацәгьауразы иазҧхьагәаҭоуп  9 шықәса инаркны  12 шықәсанӡа аҭакра.