Қырҭтәыла Аҩныҵҟатәи аусқәа рминистрра адыррала, имҩаԥгаз аоперативтә-усԥшааратә уснагӡатәқәа раан даанкылан 1977 шықәсазы ииз, аҭакра зхызгаз Ш.Қ. Уи Қырҭтәыла аҳәынҭқарратә ҳәаа закәандарала ахысраҿ Гьаргь Бачиашвили дицхраит.

Қырҭтәыла Аҩныҵҟатәи аусқәа рминистрра аҟынтә ишаарыцҳаз ала, иаанкылоу ахаҿы Бачиашвили иҟынтә аԥара иоун, маӡала аҳәаа ахысраҿ дицхрааит.

Аҩныҵҟатәи аусқәа рминистрра адыррала, хәажәкыра 2 рзы Бачиашвили, аҳәаатә агәаҭаратә пункт давсны,  маӡала Қырҭтәыла аҳәынҭқарратә аҳәаа дахысит Шәамахьтәыла ахырхарҭала. Анеҩс, Шәамахьтәыла агәаҭара-аужьҭратә пункт аҿы, иара ихьӡала иҟаз Урыстәылатәи атәылауаҩшәҟәы цәыриган, аҳәаа дахысит. Гьаргь Бачиашвили, закәандарала аҳәаа ахысразы, аҧкратә усмҩаҧгатә аҳасабала, ахақәиҭра аҧкра иқәырҵеит. Гьаргь  Бачиашвили  асоциалтә аҳаҿы ианиҵеит иара Қырҭтәыла дшықәҵуа.

Гьаргь Бачиашвили  2017 шықәсазы иҟалаз ахҭысқәа рзы ахара идуп. Апрокуратура адыррақәа рыла, Бачиашвили аинвестор иалеиҵаз аҧара аҟынтә ахашәала наӡа ацынхәрас,  536 900 адоллар мацара ииҭеит, егьырҭ  8986 абиткоинқәа закәандарала ицәигеит, зыӡбахәы ҳәоу аамҭазы арҭ абиткоинқәа  43 миллион адоллар аҟара иаҧсан. Гьаргь Бачиашвили ари ахарадҵара дақәшаҳаҭым. Иара идырҵаз ахаразы  9 шықәса инаркны 12 шықәсанӡа аҭакра иазҧхьагәаҭоуп.