Молдова имҩаҧгаз асессиаҿы  Евронест Апарламенттә Ассамблеиа «Қырҭтәылеи Украинеи Молдовеи Евроеидгылашҟа ралалара адгылара иазку» арезолиуциа аднакылеит.

Ассамблеиа   2022  шықәса рашәара 22 рзы Еврокомиссиа иаднакылаз аҭоурыхтә аӡбара иадгылоит, адокументаҿ иаҵшьны иазгәаҭоуп атәылақәа рыхҧагьы Евроеидгыла арҭбаара аполитика ишаҵанакәа.

Евронест Апарламенттә Ассамблеиа Урыстәылахь ааҧхьара ҟанаҵеит зыҧшра ҟамҵакәа Украина аибашьра иаҟәыҵырц,  Қырҭтәылеи Молдовеи рҵакырадгьылтә акзаара пату ақәырҵарц. Уааҵәҟьа ишазгәаҭоу ала, арҭ аҭагылазаашьақәа европатәи ашәарҭадара аиқәыршәаразы аҵакы ду рымоуп.

Евронест Апарламенттә Ассамблеиа иазханаҵеит Қырҭтәылеи, Украинеи, Молдовеи алагала ду шыҟарҵо Евроеидгыла азеиҧш шәарҭадареи мышхәыбзазареи аиқәыршәара аус аҿы. Иара убас, адокумент аҿы иаҵшьны иазгәаҭоуп  зыӡбахәы ҳәоу аҳәынҭқаррақәа Евроеидгылашҟа ринтеграциа аҵакы ду шамоуп арегионаҿ аҭынчреи аҭышәынтәалареи аиқәыршәаразы. Евронест Апарламенттә Ассамблеиа алахәылацәа Евроеидгыла атәылақәа рахь ааҧхьара ҟарҵеит Евроеидгыла арҭбаара иадгыланы,  ари ахырхарҭала аконкреттә шьаҿақәа ҟарҵарц.

Жәабран 19-21 рзы Кишиниов имҩаҧысит Евронест Апарламенттә Ассамблеиа, Европарламент адепутатцәа инарывагыланы, ари ауснагӡатә иалахәын  Азербаиџьани, Молдовеи, Қырҭтәылеи, Шәамахьтәылеи, Украинеи апарламентқәа рдепутатцәагьы.

Қырҭтәыла апарламенттә делегациа дахагылан  Мака  Боҷоришвили,  аделегациа иалахәын адепутатцәа — Михаил Сарџьелаӡе,  Маиа  Битаӡе,  Леван Қарумиӡе, Гьаргь   Хелашвили, Гьаргь Вашаӡе.