Польшеи Венгриеи украинатәи арыци егьы афатәаалыҵи  адкыларазы ишьақәдыргылаз аамҭалатәи  ақәиҭымтәра  иадҳәаланы Еврокомиссиа ишаанацҳаз ала, Евроеидгыла иалоу атәылақәа ганкала ахәаахәҭратә ауранагӡара рзымҩаҧыргом.

Ари аинформациа аланарҵәеит агентра  «Реитер».

«Польшеи Венгриеи украинантә ақыҭанхамҩатә аалыц адкыларазы аамҭала ақәиҭымтәра шышьақәдыргылаз иазкны адырра ҳауит. Ари аконтекст аҿы иаҵшьны иазгәаҭатәуп ахәаахәҭратә политика Евроеидгыла аексклиузивтә компетенциа ишаҵанакәа, убри аҟынтә,  тәылақәак рыла ганкала  ахәаахәҭратә ауранагӡара амҩаҧгара ҳақәшаҳаҭым.  Абри аҩыза, иуадаҩу аамҭазы, аӡбарақәа зегьы рыдыркылароуп Евроеидгылаҟны еиқәшаҳаҭны», — азгәеиҭеит  Еврокомиссиа ахаҭарнак АИХқәа ириҭаз аҩыратә аилыркаарақәа рҿы.

Иахьа Польшеи Венгриеи Украинантә арыци егьы афатаалыҵи аекспорт ақәиҭымтәразы аӡбдара рыдыркылеит. Агентра   «Реитер» адыррала, Украина агәылара иҟоу 2 тәылак ари аӡбара рыдыркылеит аҭыҧантәи ақыҭанхамҩатә сектор ахьчаразы.