Евро 2024 ашҟа абилеҭқәа рҭира иазкны Ашьапылампыл азы Қырҭтәыла афедерациа аҳәамҭа ҟанаҵеит.

“Раԥхьаӡа иргыланы,  аҭоурыхтә аиааира агара даҽазнык ишәыдахныҳәалоит! Ишыжәдыруа ала, Европа ачемпионат аҿы Қырҭтәыла адебиутант тәыла заҵәык ауп. Европа ачемпионат ашҟа амҩақәҵага аиура ашьҭахь, УЕФА Европа ачемпионат алахәылацәа рҟны аусуратә процесси еиуеиԥшым аиҿкааратә зҵаарақәеи ирыдҳәаланы аиҿцәажәарақәа ирылагеит.

Европа ачемпионат УЕФА аегидала мҩаԥысуеит. Абилеҭқәа рҭира урҭ рхылаԥшра ала иалагоит. Ҳазҭагылоу аетап аҿы абилеҭқәа рҭира апроцедура иазку аҵыхәтәантәи детльқәа аус дырулара иаҿуп.

Абилеҭқәа раахәара УЕФА иҷыдоу авебдаҟьақәа рҿы ҟалоит. Арҭ амшқәа рзы Ашьапылампыл азы афедерациа азгәыбылҩцәа адетальтә дыррақәа рнаҭоит абилеҭқәа раахәара иазкны”, –  иануп аҳәамҭа аҿы.