Авизалиберализациа азҵаарала аманипулиациа иаҿу аполитикцәақәак  ҳтәыла ҧырхага азааргоит, – иҳәеит Қырҭтәыла адәныҟатәи аусқәа рминистр Илиа Дарчиашвили.

Дарчиашвили зегьы дрыҳәеит аполитикатә манипулиациа иаҟәыҵырц.

„Авизалиберализациа аҧкра аӡәгьы далацәажәом, Европарламент аконкреттә резолиуциа ада.    Авизалиберализациа азҵаарала аманипулиациа иаҿу аполитикцәақәак  ҳтәыла ҧырхага азааргоит.

Иахьа Қырҭтәылазы авизалиберализациа аҧкра аӡәгьы далацәажәом. Даҽазнык зегьы рахь ааҧхьара ҟасҵоит  аполитикатә манипулиациа иаҟәыҵны, атәыла ҧырхага азаарымгарц, избанзар, ҳтәыла  абри ақәҿиара ду аиуит аџьабаа дуи, аҽазышәара дуи, ареформақәа рымҩаҧгареи ала“, – иҳәеит Дарчиашвили.

Дарчиашвили иҳәамҭала, авизадатә режим шьақәыргылоуп аконкреттә  критериқәа рышьаҭала, атәыла  арҭ акритериқәа нанагӡоит.

„Есышықәса аҳасабырба цәыраагоит, аҳасабырба ҳармазеиуеит аконкреттә хырхарҭақәа рыла, аконкреттә критериқәа рыла. Ари аганахьала Қырҭтәыла алҵшәа бзиа амоуп, ари ахырхарҭала аконкреттә шьаҿақәа рыҟаҵара аӡәгьы игәы иҭам.   Авизалиберализациа аҧкра аӡәгьы далацәажәом, Европарламент аконкреттә резолиуциа ада.    Авизалиберализациа азҵаарала аманипулиациа иаҿу аполитикцәақәак  ҳтәыла ҧырхага азааргоит, дара рполиткиатә интересқәа мацара ирызхәыцуеит“, – иҳәеит Илиа Дарчиашвили.