Ниу-Иорк имҩаԥгаз ЕАР Ассамблеиа хада 79-тәи асессиа аҳәаақәа ирҭагӡаны Қырҭтәылеи егьырҭ еиуеиԥшым арегионқәа 63 тәылақәеи иаԥшьыргаз “Аԥсни (Қырҭтәыла) Цхинвалтәи арегиони/Алада Уаԥстәыла (Қырҭтәыла) рҟынтә мчыла ихгоу ауааԥсыреи ахҵәацәеи рстатус иазку арезолиуциа” рыдыркылеит. Арехолиуциа арекордтә хыԥхьаӡара – 107 тәыла рхаҭарнакцәа иадгылеит, – аарыцҳаит Қырҭтәыла Адәныҟатәи аусқәа рминистрра аҟынтә.

Аусҳәарҭа аинформациа ала, Қырҭтәыла ари арезолиуциа ЕАР аднагалоит 2008 шықәса лаҵара инаркны, уи агуманитартә ҟазшьа амоуп.

«Арезолиуциа, Урыстәыла ала импыҵахалоу Қырҭтәыла арегионқәа рҿы мчылатәи адемограциатә ԥсахрақәа ирҿагылоит, аетникатә дыргақәа ирыхәамԥшыкәа, ахҵәацәа рыҩнқәа рахь рхынҳәреи урҭт рмазаратә зинқәа рыхьчареи иадгылоит.

Агуманитартә контекст ада, арезолиуциа апрактикаә мч амоуп, арезолиуциа инақәыршәаны ЕАР амаӡанықәгаҩ хада дҵас иоуеит Қырҭтәыла иқәынхо ахҵәацәа ирызку есышықәсатәи аҳасабырба аиқәыршәара азы. Урыстәыла ала импыҵахалоу Қырҭтәыла аҵакырадгьылқәа рҿы ауаҩытәыҩса изинқәа реилагара афон аҿы, ари аҵак ду амоуп.

Арезолиуциа Женеватәи аиҿцәажәарақәа рылахәылацәа рахь ааԥхьара ҟанаҵоит, Урыстәыла ала импыҵахалоу Қырҭтәыла аҵакырадгьылқәа рҿы ашәарҭадареи ауаҩытәыҩса изинқәа рыхьчареи рганахьала аҭагылазаашьа аиӷьтәразы ирылшо зегь ҟарҵарц, ари ахҵәацәеи мчыла ихгоу ауааԥсыреи рыҩнқәа рахь рырхырҳәра апроцесс ацхраауеит”, – иануп арезолиуциа аҿы.