Даниатәи аконструктивтә институт ашьаҭаркҩы, ашәҟәы  «Аконструктивтә ажәабжь ҿыцқәа» автор  Ульрик Хаагеруп  Қырҭтәыла даҭааит  Ауаажәларратә дырраҭара  ааҧхьарала.

Авизит раҧхьатәи амш азы  Ульрик Хаагеруп апродиуссерцәеи, аредакторцәеи, ажурналистцәеи амастер-класс  рзымҩаҧигоит. Уаҵәы, абҵара  18 рзы,  аконференциа  «Аконструктивтә ажәабжь ҿыцқәа» мҩаҧысуеит, уи хықәкыс иамоуп апартниор аиҿкаарақәа аконструктивтә журналистика азнеишьа иазкны аинформациа рыҭара,  Ауаажәларратә дырраҭара ари азнеишьа апрактикаҿы ахархәара иалагахьеит.

Аконференциа рхы аладырхәоит жәларбжьаратәи аиҿкаарақәеи, Амилаҭтә коммуникациатә комиссиеи, амедиаиндустриаҿ аус зуа аиҿкаарақәеи ахаҭарнакцәеи, ауниверситетқәа рҿы АИХ ахырхарҭа анапхгаҩцәеит, астудентцәеи.

«Ҳара аконструктивтә журналистикеи адемократиатә ҳәынҭқарра аргылара апроцессаҿ уи инанагӡо ароли  ҳалацәажәоижьҭеи крыҵуеит. Сара лассы-лассы исазҵаауеит Ауаажәларратә дырраҭара  проблемас иамои ҳәа. Егьырҭ ауадаҩрақәа зегьы ҳарҟәаҵыр, сгәы ишаанаго ала, ахадаратә проблема – ари аинститут азкызаара ииашаны аилкаароуп, насгьы, уи ахымҧадара  аилкаарагьы», — илҳеит Актәи аканал агенералатә директор Ҭинатин Берӡенишвили.

Ауаажәларратә дырраҭара 11ҩык ажурналистцәа Даниатәи аинститутаҿ аҵаратә курс иахысхьеит. Хара имгакәа даҽа ҧшьҩык ажурналистцәа аҵаразы идәықәлоит, ашықәс анҵәамҭанӡа аконструктивтә журналистика  акурс иахысуеит Актәи аканал  18ҩык ажурналистцәа.