Ауаҩытәыҩса изинқәа рзы Европатәи аӡбарҭа ахантәаҩы Роберт Спано, Баҭым,  Қырҭтәыла Аконституциатә аӡбарҭа ахантәаҩи аӡбаҩцәеи дырҧылеит.

Роберта Спано ишиҳаз ала, Ауаҩытәыҩса изинқәа рзы Европатәи аӡбарҭеи Қырҭтәылеи русеицура нагӡахоит.

«Аконституциатә аӡбарҭа ахаҭарнакцәа ааҧхьаразы ҭабуп ҳәа расҳәар сҭахуп.   Ауаҩытәыҩса изинқәа рзы Европатәи аӡбарҭеи  Қырҭтәыла Аконституциатә аӡбарҭеи рыбжьара даҽа диалогк мҩаҧган,  Қарҭгьы ҳаиҧылахьеит. Ҳара кыршықәса рыҩныҵҟа аус еицаауеит. Аҵыхәтәантәи ашықәсқәа рзы ишаабаз ала,  амилаҭтә аӡбарҭақәа аконвенциатә зҵаарақәа иаҳа еиҕьны рыхәаҧшра иалагеит. Амилаҭтә аӡбаҩцәа аконвенциа рхы иадырхәароуп, уи ауп зегьы реиҳа ихадоу. Уи рзыҟаҵар, ҳусеицура иаҳа еиҕьхоит, Қырҭтәыла ауаҩытәыҩса изинқәа рыхьчара иаҳа иҕәҕәахоит», — иҳәеит  Роберт Спано.