ЕАШ Асенат жәларбжьаратә комитет алахәыла, асенатор Џьин Шаҳин асоциалтә ҳаҿы апартиа “Ахали” алидепрцәа руаӡәы Зураб Џьаԥариӡе иаанкылара иазкны аҳәамҭа ҟалҵеит.

“Ақырҭуа аоппозициатә политик Зураб Џьаԥариӡе иаанкылара игәырхынҳәыгоу, ииашам фактуп Аконгресс ақырҭуа жәлар адгылара заанарԥшроуп”, — илҩит асенатор Шаҳин.

Лаҵара 22 рзы апартиа “Ахали” алидепрцәа руаӡәы Зураб Џьаԥариӡе даанкылан. Мшаҧы 16 рзы аамҭалатәи аусеилыргаратә комиссиа аилатәарашҟа амнеира амшала Зура Џьаҧариӡе  20 000 лари ашас ашәара иқәырҵеит. Иара ари ашас ишәар акәын лаҵара 18-нӡа. Аамҭалатәи аусеилыргаратә комиссиа аҳәара ашьаҭала, апрокуратура Џьаҧариӡе ахара иднаҵеит ашьауҕатә закәанеидкыла  349 ахәҭаҷ ала  — «Қырҭтәыла Апарламент аамҭалатәи аусеилыргаратә комиссиа аҳәара анамгӡаразы» уи ала иазҧхьагәаҭоуп ахараҧса ашәара ма шықәсык аҭакра.