Аҧсны амш инамаданы, Аԥснытәи автономтә республика аиҳабыреи Қырҭтәыла апатриархиеи реиҿкараала, Самеба акафедралтә ныхабаа ашҭаҿ, Ацҳаражәҳәаҩ Симон Канатәи ихьӡ зху абазилика ахьдыргыло аҵакырадгьыл аҿы аныҳәатә уснагӡатә мҩаԥган.

Аԥснытәи автономтә республика аиҳабыра аҟынтә ишаарыцҳаз ала, ауснагӡатә аҳәаақәа ирҭагӡаны Аԥснынтә аамҭала ихҵәоу асахьаҭыхыҩцәеи аҟазацәеи рцәыргақәҵеи, зметраж кьаҿу адокументалтә фильм арбареи, Аԥснытәи ахаԥшьгаратә коллективқәа ргала-концерти мҩаԥган.

Ауснагӡатә рхы аладырхәит Аԥснытәи автономтә республика аиҳабыра рхантәаҩы Леван Мгалоблишвилии, Аԥснытәи автономтә республика иреиҳаӡоу ахеилак ахантәаҩы Џьемал Гамахариа, Қырҭтәыла апарламент авице-спикер Гиа Вольски, Алада Уаԥстәыла аамҭалатиәи администрациа анапхгаҩы Ҭамаз Бестаеви, Қырҭтәыла азакәанԥҵаратә напхгара рхаҭарнакцәеи асасцәеи.

Лаҵара 23  —  Ацҳаражәҳәаҩ Симон Канатәи имшуп.  2014 шықәсазы Қырҭтәыла Акаталикос  – Патриарх Илиа аҩбатәи абри амш Аҧсны мшны ирылеиҳәеит.