Ҳара иуадаҩӡаз аҩбатәи ацәқәырҧа ҳахысит, аобиектқәа зегьы иаразнак ааҳартыр,  абҵара – ҧхынҷкәын азы иҟаз аҭагылазаашьа ҳазыхынҳәуеит, — иҳәеит Ачымазарақәа рхылаҧшра амилаҭтә центр анапхгаҩы Амиран Гамҟрелиӡе Аусбарҭабжьаратә координациатә хеилак аилатәара ашьҭахь имҩаҧгаз абрифинг аҿы.

Иара иажәақәа рыла, атәыла иуадаҩӡаз  аҩбатәи ацәқәырҧа иахысит,  еиуеиҧшым абизнес етапла, еишьҭаргыланы иаарттәуп.

«Ҳара иуадаҩӡаз аҩбатәи ацәқәырҧа ҳахысит. Стәылаҿы ахҧатәи ацәқәырҧа ҟалар сҭахым. Убри аҟынтә, уажәазы аҭагылазаашьа шыцәгьамгьы, аобиектқәа зегьы иаразнак ааҳартыр ҟалом. Абизес ахаҭарнакцәа рҭагылазаашьа шыцәгьоу еилыскаауеит. Аха, уажәы, атәылаҿы  аобиектқәа зегьы иаразнак ааҳартыр, абҵара – ҧхынҷкәын азы иҟаз аҭагылазаашьа ҳазыхынҳәуеит,   ахҧатәи ацәқәырҧа ашәарҭара шыҟоу здыруеит, убри аҟынтә, сара  аамҭакала аобиектқәа зегьы раартра сзақәшаҳаҭхом. Ҳара ҳгәы ҳҽанызароуп. Есҩымчыбжь аҭагылазаашьа зеиҧшрахо аабароуп, абизнес етапла ааҳартуеит, ашколқәагьы ҳрызхәыцроуп», — иҳәеит Амиран Гамҟрелиӡе.