Иахьазы аҭагылазаашьа злаҟо ала, атуристтә мзызқәа рыла атәылашҟа иаауа ауааҧсыра, еиуеиҧшым азакәанҧҵаратә агхақәа рхы иархәаны, акыраамҭала атәылаҿы иаанхоит. Еиуеиҧшым европатәи атәылақәа  рмиграциатә закәанҧҵара иаҳа идырҕәҕәоит, еиуеиҧшым амеханизмқәа рыла ахыҵакырҭа асистема иаҳа идырџьбароит, – иҳәеит аҩныҵҟатәи аусқәа рминистр ихаҭыҧуаҩ Алеқсандр Дарахвелиӡе Актәи аканал адырраҭара  „Актуалтә тема  – Мака Цинцаӡе лҟны“ аҿы сасра даныҟаз.

Иара иажәақәа рыла, Аҩныҵҟатәи аусқәа рминистрраҿы акыршықәса иралагӡаны ари  азакәанпроект аус адырулон.

„Ҳаамҭазтәи амигрантцәеи ари ахырхарҭала еиуеиҧшым атәылақәа рҿы имҩаҧысуа аконкреттә процессқәеи  ҳрыцклаҧшуан. Иахьазы аҭагылазаашьа злаҟо ала, атуристтә мзызқәа рыла атәылашҟа иаауа ауааҧсыра, еиуеиҧшым азакәанҧҵаратә агхақәа рхы иархәаны, акыраамҭала атәылаҿы иаанхоит. Еиуеиҧшым европатәи атәылақәа  рмиграциатә закәанҧҵара иаҳа идырҕәҕәоит, еиуеиҧшым амеханизмқәа рыла ахыҵакырҭа асистема иаҳа идырџьбароит.  Қырҭтәылагьы амигрантцәа рхыҧхьаӡара ацлара ашәарҭара иҟоуп.

Насгьы, адунеи еиуеиҧшым аҭыҧқәа рҿы ихьанҭаӡоу ахысқәа мҩаҧысуеит. Аибашьрақәа рымшала ауаа рацәа  ртәылақәа ирықәҵны, ҽаџьара аиасра рықәшәеит. Убри аҟынтә, атәылақәа зегьы, излауа ала, рзакәанҧҵара арџьбара рҽазыркит. Ҽакала иаҳҳәозар, атәылаҿы акыраамҭала ахыҵакырҭа иашьҭоу ауаа, азакәанҧҵараҿы иҟоу агхақәа рхы иархәаны, аконкреттә тәылаҿы аҟазаара рыхәҭамзаргьы,  атәылаҿы иаанхар рылшоит. Убри аҟынтә, аҳәынҭқаррақәа зегьы рхатә шәарҭадареи ринтересқәеи рыхьчаразы иаҭаху, иашьашәалоу азакәантә механизмқәа рымазароуп“, – иҳәеит Дарахвелиӡе.