Сербиа ахада Александр Вучич ишааицҳаз, Косово азҵааразы Европа ахеилак аҿы абжьыҭира ашьҭахь аҩызцәа Қырҭтәылеи, Азербаиџьани, Кипри, Венгриеи, Румыниеи, Испаниеи раамҭа аауеит.

Қырҭтәылеи, Украинеи, Молдовеи ртерриториатә акзаара адгыларатә резолиуциаҿ Сербиа аԥсахрақәа рҭаҩра аԥшьгара ала иқәгылеит.

Сербиа ахада иажәақәа рыла, Белград Европа ахеилак арезолиуциа атекст аҿы ацитата ацҵара аҭазып – “иара убас Европа ахеилак иалоу егьырҭ атәылақәа зегьы”.

„Урҭ ирҳәоит Молдовеи, Қырҭтәылеи ракзаара ҳахьчоит ҳәа рҳәоит, Европа ахеилак иалоу атәылақәа ртерриториатә акзаара пату рықәҵаразы ҳәоук иацаҳҵеит. Ирыдрымкылар, Реикиавиктәи асаммит ахь сцом. Ҳашәжьеит ҳәа иаахтны расҳәоит. Сганахьала ақәыларақәа аныжәбо, дара рзы сара сакәӡам ихадароу, дара рзы ихадароуп Сербиа арԥсыҽра. Ақәыӷәӷәара духоит, сербиатәи ажәлар рзы ауадаҩрақәа рацәахоит, ҷыдала Приштинатәи аиҿцәажәарақәа рхырхарҭала. Косовоҿ аимак уаҳа ишыҟамло сақәгәыӷуеит, аха сгәыӷра акгьы иаанагом, иаабап”, – иҳәеит Вучич.

Иҳаҩсыз амз азы Европа ахеилак аӡбара аднакылеит Косово аиҿкаара алаларазы иҟанаҵаз аҳәара ахәаԥшра апроцедура иазкны. Арезолиациа иадымгылеит Қырҭтәылеи, Азербаиџьани, Кипри, Румыниеи, Испаниеи. Арезолиуциа иаҿагылеит Венгриагьы. Европа ахеилак арезолиуциа ашьҭахь, Сербиа дәныҟатәи аусқәа рминистр Ивица Дачич арҭ атәылақәа иҭабуп ҳәа раиҳәан, Сербиа аҩызцәа шәоуп ҳәа ирзааицҳаит. Абжьыҭираҿ Украинеи Босниа-Герцеговинеи рпозициақәа аадмырԥшит.

Лаҵара 16-17 рзы Исландиа аҳҭнықалақь Реикиавик аҿы Европа ахеилак асаммит мҩаԥгахоит.