Аҳынҭқарратә маҵзура абиуро, азеиҧш зин аиуристтә хаҿы аҳасабала уаҳа аус ауӡом. Қырҭтәыла аиҳабыра ари аӡбара рыдыркылеит анапхгараҭара арационализациеи ахарџьқәа роптимизациеи амзызла.

„Аҳәынҭқарратә маҵзура иазку“ азакәан иалагалоу аҧсахрақәа инрықәыршәаны, аилахәыра Аҳәынҭқарратә маҵзура абиуро афункциақәа рацәа ықәгахеит. Урҭ иреиуп амаҵзуҩцәа рдекларациақәеи аҳәынҭқарратә маҵзураҿы аетикеи аламысреи рхылаҧшреи афункциақәа, арҭ афункциақәа  Антикоррупциатә биуро изхылаҧшуа аусхкы ахь ииасит.

Уажәазы Аҳәынҭқарратә маҵзура абиуро афункциақәа ирыҵанакуеит аҳәынҭқарратә напхгараҭара ареформа аус адулара мацара, ари апроцесс мҩаҧсуеит аиҳабыра радминистрациа иашьашәалоу адепартамент аҟнытә аусеицура ала, аҳәынҭқарратә маҵзураҿы иҟоу авакансиақәа рзы аконкурсқәа ирызку аинформациа аларҵәарала, уи, бжеиҳарала, атехникатә функциоуп.

Аҳәынҭқарратә маҵзура абиуро аханатә иамаз афункциақәа ахҧа рыхәҭак уажәазы ишамам иазҧхьагәаҭаны, азеиҧш зин аиуристтә хаҿы аҳасабала уи аҟазаара иаҧсам.

Убри аҟынтә, аиҳабыра рыӡбарала, 2025 шықәса мшаҧы 1 инаркны, Аҳәынҭқарратә маҵзура абиуро, азеиҧш зин аиуристтә хаҿы аҳасабала аус ауӡом, уи азинмчқәа рҿы иаанханы иҟоу афункциақәа нарыгӡоит аиҳабыра радминистрациа иашьашәалоу адепартаментқәа.