Агәабзиарахьчара аминистрраҿы акьыба ачымазара змоу ауааҧсыра рзы еиҧҟьарада  ахәшәқәа раагара аиқәыршәара иазкыз аиҧылара мҩаҧган. Ари аинформациа аланарҵәеит Агәабзиарахьчара аминистрра.

Аминистрра адыррала, аминистр Михаил Сарџьвелаӡе ари аусхкы аспециалистцәеи, аонкологцәеи, афармацевтикатә сектор ахаҭарнакцәеи, Апациентцәа реиҿкаара ахаҭарнакцәеи дырҧылеит.

«Аганқәа рхаҭарнакцәа ахәшәқәа рҭаҵәахқәа ирылацәажәеит. Аусуратә гәыҧ алахәылацәа   ахәшәқәеи амаҵзуреи рыла апациентцәа реиқәыршәара ахырхарҭала аусура иалагоит. Ари апроцесс активла иалахәызаауеит аклиникақәеи, аилахәыра-импортерцәеи, ахәшәқәа рдистрибуторцәеи.

Аиҧылара рхы аладырхәит агәабзиарахьчара аминистр актәи ихаҭыҧуаҩ Ҭамар Габуниеи, агәабзиарахьчареи асоциалтә аиқәыршәареи азҵаарақәа рзы акомитет ахантәаҩы  Заза Ломинаӡеи, акомитет алахәылацәа  Ирма Заврадашвилии Рима Бериӡеи, Агәабзиарахьчара аминистрреи Агәабзиарахьчара амилаҭтә агентреи рхаҭарнакцәеи», — иануп Агәабзиарахьчара аминистрра аинформациаҿы.