“Ақырҭуа гәыхәтәы” антидемократиатә ауранагӡара ЕАШ-и Қырҭтәылеи ирыбжьаз астратегиатә партниорра ашьаҭатәи принципқәа еиланагеит, ари иахҟьаны ЕАШ ари амеханизм аамҭала ааннакылеит, – иануп ЕАШ аҳәынҭдепартамент авебдаҟьа ианылаз ЕАШ аҳәынҭдепартамент апресспикер Меҭиу Миллер иҳәамҭа аҿы.

Аҳәамҭаҿ ишану ала, ЕАШ Қырҭтәыла аиҳабыра рахь ааԥхьара ҟанаҵоит евроатлантикатә акурс иазыхынҳәырц, апарламенттә алхрақәа раан аҭыԥ змаз аилагарақәа зегьы ҭырҵаарц, антидемократиатәзакәанқәазегьы аԥырхырц.

“Ақырҭуа гәахәтәы” Евроеидгыла алалара апроцесс аанкылара иазкны аднакылаз аӡбамҭа Аконституциаҿ иану Евроеидгылеи Натои ринтеграциа наӡа иазку аҳәахьа еиланагоит. Евроеидгыла алалара апроцесс аанкылара ала, “Ақырҭуа гәахәтәы” Европаҟны аимадарақәа мап ацәнакит, ари ала Қырҭтәыла Кремль аҿаԥхьа иԥсыҽны аанхеит.

Ақырҭуа жәлар Европа ашҟа аинтеграциа иадгылоит. ЕАШ аполициа адемоанстрантцәа рганахьала аадырԥшыз амчылара иаҿагылоит. Аганқәа зегь рахь ааԥхьара ҟаҳҵоит аҿагыларатә акциақәа ҭынч рымҩаԥгаразы иашьашәалоу аҭагылазаашьа еиҿыркаарц. “Ақырҭуа гәыхәтәы” антидемократиатә ауранагӡара ЕАШ-и Қырҭтәылеи ирыбжьаз астратегиатә партниорра ашьаҭатәи принципқәа еиланагеит, ари иахҟьаны ЕАШ ари амеханизм аамҭала ааннакылеит.

Қырҭтәыла аиҳабыра рахь ааԥхьара ҟаҳҵоит евроатлантикатә акурс иазыхынҳәырц, апарламенттә алхрақәа раан аҭыԥ змаз аилагарақәа зегьы ҭырҵаарц, антидемократиатәзакәанқәазегьы аԥырхырц”, – иануп аҳәамҭа аҿы.