Қырҭтәыла аҵареи, аҵарадырреи, аҿар русқәеи рзы аминистрреи Пекинтәи абызшәатәи, аҵаратәи, акооперативтәи усеицура ацентри аусеицура амеморандум рыбжьарҵеит.

Қырҭтәыла аҵареи, аҵарадырреи, аҿар русқәеи рзы аминистрра адыррақәа рыла, адокумент рнапы аҵарҩит аҵареи, аҵарадырреи, аҿар русқәеи рзы аминистр Гиви Миқанаӡеи Пекинтәи абызшәатәи, аҵаратәи, акооперативтәи усеицура ацентр адиаректор Иуи Иуньфени.

Аминистрра адыррақәа рыла, адокумент ала иазҧхьагәаҭоуп  Қырҭтәыла акитаи бызшәа арҵаҩцәа рзанааҭтә аҿиара ацхраареи, иацҵаны афинанстә цхыраара рыҭара амеханизмқәа аус рыдулареи, аҵаратә ресурсқәеи аҧышәеи реиҭныҧсахлареи, азеиҧш аҵаратәи акультуратәи усмҩаҧгатәқәа реиҿкаареи.

Амеморандум анапаҵаҩра ацеремониа мҩаҧган  Пекинтәи абызшәатәи, аҵаратәи, акооперативтәи усеицура ацентр аҿы.

Ацентр ахаҭарнакцәа Гиви Миқанаӡе акитаи бызшәа аҵара апрограмма идаргалеит. Акитаи бызшәа зҵар зҭаху ауааҧсыра зегьы, ари апрограмма ахархәарала, иҧсабаратәым аинтеллект атехнологиақәа рыла акитаи бызшәа рҵар рылшоит.