“Амилаҭтә ҵысра” ахантәаҩы Ҭина Бокучавеи апартиа Адәныҟатәи аусқәа рминистр Зураб Ҷиаберашвилии Қырҭтәыла иҟоу Евроеидгыла ацҳаражәҳәҩ Павел Герчински иԥылоит.

Ҭина Бокучава ажурналистцәа ишралҳәаз ала, аиԥылараҿ ирыхәаԥшуеит еиуеԥшым азҵаарақәа, урҭ рыбжьара Зураб Џьаԥариӡе иаанкылана азҵаара.

“Зегь реиҳа ихадоу зҵаарас атәыла атерриториатә акзаара ҳаԥхьаӡоит. Ишыжәдыруа ала, Евроеидгыла иреиҳаӡоу ахаҭарнак Каиа Каллас иҟалҵаз аҳәамҭала, Евроеидгыла аԥнахуеит Шьамтәыла аганахьала ишьақәырӷәӷәаз асанкциақәа, еиԥшу аҳәамҭа ҟаиҵеит ахада Дональд Трампгьы”, — илҳәеит Бокучава.

“Амилаҭтә ҵысра” ахантәаҩы лажәақәа рыла, Евроеидгыла ацҳаражәҳәҩ  иҟны иазааҭгылоит Қырҭтәыла импыҵахалоу аҵакырадгьылқәа рызхаҵара мап ацәкра азҵаара.