Рыцҳарас иҟалаз –  ишубарҭоу ала, ҳпозициақәа еиҧшым, аӡәгьы  ҳиқәымгәыҕкәа, ҳхатә политикатәи апартиатәи платформала ақәҧара наҳагӡароуп, — илҳәеит «Иаку амилаҭтә ҵысра» ахантәаҩы Ҭина Бокучава.

Бокучава ари аҳәамҭа ҟалҵеит Қырҭтәыла  5тәи ахада Саломе Зурабишвилии аоппозициааи реиҧылара ашьҭахь.

«Иахьа абрахь санаауаз хықәкы зыҵәык сыман, аполитбаандаҩцәа рҭаацәарақәа рылахәылацәа ргәаанагара расҳәар сҭахын. Арҭ ауаа аҭыҧантәи ахаланапхгареи, аоппозициаа ракзаареи, апротест арҭбаареи иақәгәыҕуеит, аха, ишаабо ала, абарҭ азҵаарақәа ирыдҳәаланы азеиҧш позициа иҟам. Убри аҟынтә,  сгәы ишаанаго ала, иахьа, арежим ахаҭарнакцәа арепрессиақәа рыцәқәырҧа ҿыц ианагало, аполитикатә партиақәа раҧыхра ианалацәажәо, аамҭоуп зегьы реиҳа ихадоу, аутопиатә, иреалым азҵаарақәа рзы аамҭа аныхра ҟалом. Убри аҟынтә, ҳара, аӡәгьы ҳиқәымгәыҕкәа, ҳхатә политикатәи апартиатәи платформала ақәҧара наҳагӡароуп», — илҳәеит Ҭина Бокучава.