Апартиа  «Иаку амилаҭтә ҵысра» ахантәаҩы Ҭина  Бокучавеи апартиа амаӡаныҟәгаҩ хада  Петр Цискаришвилии аконгрессмен Џьо Уилсон иҧылеит.

Апартиа апресс-маҵзура адыррақәа рыла,  «Иаку амилаҭтә ҵысра» аделегациа Вашингтон аофициалтә визит мҩаҧыргоит. Апартиа алидерцәа Конгресси Сенати рҿы ҩ-ганктәи аиҧыларақәа мҩаҧыргоит.

Ҭина Бокучава ишылҳәаз ала,  аделегациа алахәылацәа аналитикатә центрқәа рхаҭарнакцәагьы ирҧылахьеит, иара убас,  Америка Аҳәынҭқарратә департамент аҿы аиҧылара мҩаҧыргараны иҟоуп.

«Иҳаракӡоу аҩаӡараҟны аиҧыларақәа мҩаҧаагоит. Иванишвили Қырҭтәыла жәларбжьаратәи аусхәаҧш ианихырц азыҳәан илшо зегьы ҟаиҵоит,  убри аамҭазы, ҳара иҳалшо зегьы ҟаҳҵоит Қырҭтәыла жәларбжьаратәи аусхәаҧштә аҿы иаанхарцаз. Уи ҳтәыла хырҳага ду азаанагоит. Убри аҟынтә,  Иванишвили асанкциақәа изышьақәыргылара мацара акәымкәа, акт MEGOBARI Қырҭтәылеи ақырҭуа жәлари ирзаанаго ахырҳагареи аҧыжәареи ахархәара ҳалшарц азыҳәан, ҳтәыла анапхгара иҧсахтәуп. Нас,  адемократиатә мҩа азыхынҳәреи Трамп иадминистрациаҟны аизыҟазаашьақәа реиҭашьақәыргылареи ҳалшоит. Урыстәылеи,  Ирани,  Китаии аус рыцызуа Иванишвили Дональд Трамп иадминистрациаҟны аизыҟазаашьақәа реиҭашьақәыргыларазы изакәызаалак шанск имам», — илҳәеит Ҭина Бокучава.