«Иаку амилаҭтә ҵысра» аделегациа Америка рофициалтә визит иалагеит. Апартиа апресс-маҵзура адыррақәа рыла, лаҵара 12 рзы иалагаз авизит америкатә Конгресс ала  «MEGOBARI акт» адкылара иадҳәалоуп.

«Амилаҭтә ҵысра» аделегациа далоуп ҧасатәи ахада Михаил Саакашвили иҧа Николоз Саакашвилигьы.

«Иахьа Конгресс аҿы аиҧыларақәа рымҩаҧгара ҳалагеит. Конгресс алахәылацәа «MEGOBARI акт» адкыларазы ҭабуп ҳәа раҳҳәар ҳҭахуп. Иара убас, Сенат аҿгьы аиҧыларақәа мҩаҧаагоит ақырҭуа жәлар хырҳагара ду рзаазго ари акт излауа ала ирласны ишьақәдырҕәҕәароуп, избанзар, ари акт ашьаҭала Иванишвилии иҩызцәеи хаҭалатәи асанкциақәа рзышьақәдыргылароуп. Ҳделегациа далоуп Михаил Саакашвили иҧа Николоз. Уи зҵакы дуу ак иҳәеит – саб Путин дахьиҿагылаз амшала дҭаркит ҳәа иҳәеит. Аха, ари аиҿагылараҿы Америкеи, Украинеи, Қырҭтәылеи хымҧада аиааира ргоит, ҳара аиааирагаҩцәа ҳрыдгылазароуп», — илҳәеит Ҭина Бокучава.