«Сара аӡбарҭаҿы ашаҳаҭ лаҳасабала сзықәгылом, избанзар,  уи азыҳәан азинтә стандартқәа срышьашәалам. Ашаҳаҭс ақәгыларазы зегьы ублала иубароуп», — илҳәеит апартиа  «Афедералистцәа» алидер Ҭамар Черголеишвили  Қарҭ Ақалақьтә аӡбарҭаҿы ажурналистцәа данрацәажәоз. Уаҟа лара,  адунеитә аӡбаҩ иҿаҧхьа,  Бачо Ахалаиа изку аҳәамҭа иадҳәаланы лҿахәы лхырхуеит.

Черголеишвили лҳәамҭала,  лара агәра ганы дыҟоуп Бачо Ахалаиа жьҭаара 4 рзы иҟалаз ахҭысқәа реиҿкаара дшалахәыз,  аха,  ишылҳәаз ала,  лара уи далацәажәоит аргама иҟаҵаз аҳәамҭақәа рышьаҭала.

«Сара цқьа издыруеит Биӡина Иванишвили ари атәыла иформалымкәа анапхгара шазиуа. Сара ибзиаӡаны издыруеит Мамука Хазараӡе аҵыхәтәантәи аамҭазы  «ТВ Пирвели»а аполитикатә усхәаҧштә шҳәаақәиҵоз. Сара ибзиаӡаны издыруеит Мзиа Амаҕлобели аполитикатә ашьаҭа дшаанкылоу, аха, сара, ашаҳаҭ лаҳасабала аӡбараҭаҿ сзықәгылом, избанзар,  ашаҳаҭс уҟаларцаз,  зегьы ублала иубароуп. Аполитик лаҳасабала,  сара ҳтәылаҿы жьҭаара 4 еиҧшу авантиура еиҿызкаауа  ацәгьаҟаҵаҩцәа еснагь иаасырҧшуеит.   Сара агәра ганы сыҟоуп Бачо Ахалаиа жьҭаара 4 рзы иҟалаз ахҭысқәа реиҿкаара дшалахәыз, сара уи здыруеит Бокучавеи, Хабеишвилии, Ани Надареишвилии,  Паата Бурҷулаӡеи иҟарҵаз аҳәамҭақәа рҟынтә. Апрофессионалтә журналистгьы уи еиликаар акәын. Зхы иақәиҭу АИХқәа ҳамазҭгьы сара уи аҳәара сықәшәомызт, аха, дара аиаша ашьақәыргылара ацынхәрас адонорцәа рыдҵақәа нарыгӡоит», — илҳәеит Ҭамар Черголеишвили.