Կորոնավիրուսից բուժված երրորդ հիվանդը լքել է Թբիլիսիի ինֆեկցիոն հիվանդանոցը: Այս տեղեկությունը Վրաստանի առաջին ալիքին հաստատել է Թբիլիսիի ինֆեկցիոն հիվանդանոցի բժշկական տնօրեն Մարինա Էզուգբաիան:
Նրա խոսքով, ինչպես այլ բուժվածներ, այս անձը նույնպես պետք է պահպանի երկշաբաթյա ինքնամեկուսացման ռեժիմ:
Առավոտյան Մարինա Էզուգբաիան լրագրողներին ասել էր, որ երկրորդ ապաքինված անձը հիվանդանոցից դուրս է գրվել նախօրեին:
«Ընդհանուր առմամբ երեք մարդ բուժվել է և դուրս գրվել հիվանդանոցից»,- ասել է Մարինա Էզուգբաիան:
Այսօրվա դրությամբ Վրաստանում գրանցված է կորոնավիրուսի 54 դեպք: