Ամերիկացի քաղաքական գործիչները ցավակցություն են հայտնում Ջոն Մաքքեյնի մահվան պատճառով
Ամերիկացի քաղաքական գործիչները ցավակցություն են հայտնում Ջոն Մաքքեյնի մահվան պատճառով:
Մաքքեյնի ընտանիքին ցավակցել է երկրի նախագահ Դոնալդ Թրամփը:
«Մեր սրտերը և աղոթքները ձեզ հետ են»,- դիմել է ԱՄՆ-ի նախագահը նրանց:
Ցավակցություն է հայտնել նաև ԱՄՆ-ի առաջին տիկին Մելանյա Թրամփը:
«Մեր մտքերը, աղոթքը, զորակցությունը Մաքքեյնի ընտանիքին: Շնորհակալություն, սենատոր Մաքքեյն՝ ազգի համար ձեր ծառայության համար»,- գրում է Մելանյա Թրամփը »Թվիթերում»:
ԱՄՆ-ի փոխնախագահ Մայք Փենսը նույնպես գրում է «Թվիթերում», որ կնոջ, Քերենի հետ միասին ցավակցում է հանրապետական սենատորի ընտանիքին, հարգում նրա կյանքը, որի ընթացքում նա ծառայել է ժողովրդին:
«Կորցրեցինք մի մարդու, ով իրենով արտահայտում էր մեր երկրի իդեալները»,- այս մասին նշված է ԱՄՆ-ի պաշտպանության քարտուղար Ջեյմս Մեթիսի հայտարարությունում, որը տարածվել է Պենտագոնի կայքէջում: Մետիսը հայտարարում է, որ Մաքքեյնի համար մշտապես առաջին տեղում էր սեփական երկրին ծառայելը:
ԱՄՆ-ի նախկին նախագահ Բարաք Օբաման նույնպես ցավակցական նամակ է հրապարակել «Թվիթերում»:
«Չնայած մեր տարբեր հայացքների, կիսում էինք այն ամենաբարձր իդեալի հավատարմությունը, որի համար պայքարում էինք»,- գրում է Օբաման և նշում, որ 2008 թվականի նախագահական ընտրություններին նրա հետ պայքարելը մեծարժան էր: