Страсбург, Европа ахеилак апарламенттә ассамблеиа ааԥынтәи асесиа иахьа алагоит.

Акоронавирус амзызла ишьақәгылоу аԥкрақәа ирыхҟьаны, асессиа агибридтә форматла мҩаԥгахоит, ажәахәҟаҵаҩцәа аилатәара онлаин рхы ладырхәоит.

Асессиа аҳәаақәа ирҭагӡаны аделегатцәа рҿаԥхьа дықәгылоит Германтәыла аканцлер Ангела Меркель. Иара убас иқәгылароуп Европарламент ахантәаҩы Девид Сасоли Молдова ахада Маиа Сандуи.

Асессиа амш аусхәаԥштә ашьаҭатәи зҵаарас ианылеит Европа ахеилак астартегиатә приоритетқәеи апозициақәеи ирызку адебатқәа рымҩаԥгареи арезолиуциа адкылареи.Иара убас асессиа аҳәаақәа ирҭагӡаны, ичыдоу адебатқәа раан иазааҭгылоит аурыс аоппозиционер Алексеи Навальныи иҭакра азҵаареи, Ҭырқәтәыла адемократиатә институтқәа русзуреи. Иара убас мҩаԥгахоит «Урыстәыла ашәарҭеи ашьцыларақәеи Европеи адунеи рҿы» адебатқәа.