Иракли Ҕарибашвили  иҳәамҭала,  Литва Асеим алахәыла иҟаиҵаз аҳәамҭа угәы ҧнажәаратәы иҟоуп

Қырҭтәыла аҧыза-министр иҭыҧ азы акандидат Иракли Ҕарибашвили  иҳәамҭала, Литва апарламент адәныҟатәи аусқәа рзы акомитет ахантәаҩы Жигимантас Павилионис иҟаиҵаз аҳәамаҭа дзақәшаҳаҭхом, уи угәы ҧнажәаратәы иҟоуп. «Аиҩызарала иаҳзыҟоу атәыла апарламенттә комитетқәа руакы ахантәаҩы,  «Амилаҭтә ҵысра» иадҳәалоу Павилионис иҟаиҵаз аҳәамҭа сзақәшаҳаҭхом, уи угәы ҧнажәаратәы иҟоуп. Ихьыҧшым, зхы пату ақәызҵо аҳәынҭқарра абри аҩыза аҳәамҭақәа рыҟаҵара иахәҭам.  Иареи адеструктивтә оппозициаҿы имоу иҩызцәеи рахь ааҧхьара ҟасҵоит абри аҩыза аҳәамҭақәа рыҟаҵара иаҟәыҵырц. Ҳтәылаҿы асасдкылара закәу аадыруеит, аха,   абри аҩыза асасцәа рҟынтә ахьымҕргара ҳзақәшаҳаҭхом, иара иҳәаз ҳара ҳзы акгьы аҵанакәам.

Ари ауаҩы игәаласыршәар сҭахуп,  ажәлар ҳгәыҧ ишадгылаз, ажәлар ҳагәра ргоит, атәыла анапхгара аҭаразы ахҧатәи аҿҳәарала амандат ҳарҭеит. Убри аҟынтә,  аӡәгьы азин имам ҳара ҳахь абри аҩыза ааҧхьарақәа рыҟаҵара», — заявил Ираклий Гарибашвили.

Визитла Қырҭтәыла иҟаз Литва Асеим адәныҟатәи аусқәа рзы акомитет ахантәаҩы Жигимантас Павилионис иҳәеит: «Қырҭтәыла  аҧышәа цәгьа шрымаз  рхашҭхьеит. Шәара аҵакырадгьылқәа шәцәыӡхьеит, аҧеиҧшгьы шәцәыӡыр шәҭахума? Шәара шәеидымгылар, ахә ду ашәара шәықәшәоит», — иҳәеит Павилионис.