«Қырҭтәыла, Америка аасҭа иаҳа иҕәҕәоу апартниор амам, ҳара Қырҭтәыла ҳадгылоит адемократиа аҿиареи, ахьыҧшымреи аҵакырадгьылтә акзаареи рыхьчареи аҿы», — иҳәеит Америка аҳәынҭқарратә маӡаныҟәгаҩ ихаҭыҧуаҩ инапынҵақәа назыгӡо  Филип Рикер.

Филип Рикер иҳәамҭала, Америка иаангылараны иҟам,  еснагь, рыбжьы рдуны  Урыстәыла ахымҩаҧгашьа иалацәажәалоит.

«Ишыжәдыруа ала, Баиден, атәыла ахада иаҳасабала, Америка анҭыҵ раҧхьатәи ивизит мҩаҧигоит. Иара  G7 аҳәынҭқаррақәа рлидерцәа дырҧылараны дыҟоуп. Зны Британиа днеиуеит, анеҩс, Бриуссель имҩаҧысуа НАТО асаммит ихы алаирхәоит, убри ашьҭахь Женеваҟа ддәықәлоит, уаагьы аиҧыларақәа мҩаҧигоит. Америка ахада аргама ааицҳаит ҳара Урыстәылаҟны иҭышәынтәалоу аизыҟазаашьақәа рышьақәыргылара шаҳҭаху. Аха, ҳара, ҳаангылараны ҳаҟам, еснагь, ҳабжьы рдуны, Урыстәыла ахымҩаҧгашьа ҳалацәажәалоит. Ҳәарада,   Қырҭтәыла аҵакырадгьыл   20% ампыҵахаларагьы абарҭ азҵаарақәа иреиуп. Ишысҳәаз ала, Аҩны шкәакәа аҟынтә ашьҭымҭа шәзаазгеит  — ҳара ҕәҕәала Қырҭтәыла ҳадгылоит евроаталантикатә интеграциа апроцесс аҿы. Қырҭтәыла, Америка аасҭа иҕәҕәоу апартниор амам», — иҳәеит  Филип Рикер.