Дональд Трамп - Атомон гæрзтæ æрæвæрды процесс тынг тагъд райдайдзæн
Америкæйы Иугонд Штатты президент Дональд Трамп æмæ Цæгат Кореяйы лидер Ким Чен Ын историон саммиты фæуды фæстæ, Кореяйы æрдæгсакъадахы атомон гæрзтæ æрæвæрды фæдыл бадзырд бафыстой.
Сæрмагондæй та, документы мидæг банысангонд у, ома Дональд Трамп æмæ Ким Чен Ын кæрæдзийæн базонын кодтой æппæтылæххæссæг æмæ æргомзæрдæ хъуыдытæ, АИШ-ы æмæ Цæгат Кореяйы ног ахастыты æрфидар кæныны фæдыл, Кореяйы æрдæгсакъадахыл дæргъвæтин æмæ æнæцудгæ сабырадон режимы æрфидар кæныны тыххæй. Президент Трамп йæхимæ райста бæрн срæвдз кæна æдасдзинады гарантитæ Цæгат Кореяйы демокративон республикæйы, сæрдар Ким Чен Ын сбæлвырд кодта, йæ хъæддых æмæ æнæцудгæ хæсист, Кореяйы æрдæгсакъадах, æнæхъæнæй сæвдæлон кæна атомон хæцæнгарзæй.м
Бадзырдты фæстæ Ким Чен Ын банысан кодта, ома лидертæ ахицæн кодтой, ивгъуыды хабæрттæ ферох кæной. Дуне фæфиппайдзæн нысаниуæгджын ивдтытæ».Йæхи æрдгæй Трамп райхъусын кодта, цæмæй йын бантыст Ким Чен Ынимæ сæрмагонд бастдзинад скæнын æмæ Цæгат Кореяимæ æмахаст ныр бынтон æндæр æмвæзадыл уыдзæн.Уый Ким Чен Ыны схуыдта «Тынг Зæндджын» гоймагæй. Саммитæн аргълæвæрды рæстæджы та банысан кодта, цæмæй фембæлд зæгъгæ «Цæй æнхъæл ничи уыдис афтæ хорз ацыд».
«Атомон гæрзтæ æрæвæрды процесс тынг тагъд райдайдзæн»- хъусын кæны Дональд Трамп.
Дональд Трамп æмæ Ким Чен Ын, кæрæдзиимæ Сингапуры сакъадах Сентосайыл, бынæттон рæстæгæй 9 сахатыл, фысымуат Капелайы фембæлдысты. Аудиенци зæгъæн ис 50 минуты бæрц аххæссыд æмæ уымæ рæмæст тæлмацгæнæг уыд. Уый фæстæ та АИШ-ы президенты æмæ Цæгат Кореяйы лидеры бадзырдты фынгмæ баиу сты делегациты æндæр уæнгтæ дæр.