Урсула фон дер Лайен – Брюссель афæдзы кæронмæ план кæны уырыссаг нефты импорт фæуромын
Урсула фон дер Лайен – Брюссель афæдзы кæронмæ план кæны уырыссаг нефты импорт фæуромын

Брюссель афæдзы кæронмæ  уырыссаг нефты импорт фæуромын  план кæны – уый фæдыл Еврокомиссийы  президент Урсула фон дер Лайен  райхъусын кодта европарламенты дзырдæй ралæуды рæстæджы.

Евроцæдисы æххæстгæнæг  органы къухдариуæггæнæг   европарламентаритæн загъта, цæмæй  санкциты æхсæзæм  пакет æввахс бонты уыдзæн  цæттæ.

Урсула фон дер Лайены дзырдæй,  зæгъгæ Уæрæсейы  ныхмæ санкциты цыппар  æрдæм фæбæрæг ис.  Санкциты нысанæй уыдзысты, бæрзонд рангы уырыссаг æфсæддон офицертæ, кæцытæ  хæстон фыдракæндтæ  сыххæст кодтой  буча æмæ Мариуполы; Уæрæсейы ставддæр банк  «сбербанк» хъуамæ рацух уа  «Свифты» банкон системæйæ.

Паддзахадон  исады  уæвæг   æртæ  ставд уырыссаг  уацхæссæг Евроцæдисы кабелон,  сателитон æмæ интернеты хызæгтæй  хъуамæ раиу уа.

«Æртæ ставддæр уырыссаг   уацхæссæгæн нал уыдзæн фадат  йæ æрмæг   ахæлиу кæнын Евроцæдисы.  Адон сты  рупортæ, кæцытæ  тынг кæнынц  Путины гæдыдзинæдтæ æмæ пропагандæ  агрессивон формæйæ. Æмæ фæстагмæ æй æххæссы  нефты импорты  тобæмæ.  Æнццон нæ уыдзæн, уымæн æмæ иуæй-иу  уæнгтæ тынг  баст сты уырыссаг   нефтыл, фæлæ  мах уый хъуамæ саразæм», –  райхъусын кодта Урсула фон дер Лайен.

Ныууадз комментари