Урс Хæдзар - Уæрæсеимæ æдасдзинады гарантитыл ныхас уыдзæн гæнæн, Украинайы арæнгæрон уавæры деескалацийы фæстæ æрмæстдæр, кæцы европаг æмцæдисонтимæ æмæ партнертимæ координацигондæй цæудзæн
АИШ Уæрæсеимæ бадзырдты домæнты тыххæй радзырдта. Националон æдасдзинады фарстаты АИШ-ы президенты уынаффæгæнæг Джейк Саливан куыд хъусын кæны афтæмæй, Уæрæсеимæ æдасдзинады гарантитыл ныхас æрмæст уый фæстæ уыдзæн гæнæн, Украинайы арæнгæрон уавæр куы æрсабыр уыдзæн уæд. Афтæма йæ ныхæстæм гæсгæ, зæгъгæ уый æнгæс диалог Мæскуыимæ æрмæст европаг æмцæдисонтимæ æмæ партнертимæ координацигондæй ацæудзæн.
Фæнысангонд фидиуæн Урс Хæдзар публикаци скодта, Джейк Саливаны æмæ Уæрæсейы президенты æххуысгæнæг Юрий Ушаковы телефонон дзырды фæстæ.
«Саливан дырыс райхæлдта, ома цыфæнды диалог хъуамæ æнцой кæнид дыууæфарсон интерестыл æмæ йæ рагхывгъд кæнид нæ сагъæс Уæрæсейы архæйдтытæм гæсгæ, диалог Европаг æмцæдисонтимæ æмæ партнертимæ æххæст координацийæ хъуамæ цæуа», – дзырдæуы фидиуæны.
Урс Хæдзары хъусын кæнынц, цæмæй «цæттæ сты дипломатон æмархайдмæ æндæр æмæ æндæр амæлттæй, уый нымæцы дыууæфарсон контакттæн НАТО-Уæрæсейы комиссийы æмæ OSCE-ы фæлгæтты».
Кремлы, Саливаны æмæ Ушаковы ныхасы фæстæ фидиуæн сарызта Путины пресс-нымæрдар дæр. Дмитрий Песковы дзырдæй, зæгъгæ бадзырдты рæстæджы фарсытæ Уæрæсейы бавдыст дыууæ проекты фæлгæтты æнхъарæнты контексты фæныхас кодтой.
Бакой уын кæндзыстæм, Уæрæсейы фæсарæн хъуыддæгты министрад публикаци скодта документ, кæцы Уæрæсейы æдасдзинады гарантитæм æххæссы. Уый нымæцы Мæскуы домы, цæмæй НАТО хурыскæсæны æрдæм мауал ауæрæх уа, нæзагъд ракæна Украинайы альянсмæ райсын, ныууадза æфсæддон активондзинад хурыскæсæн Европæйы, Фæскавказы æмæ Централон Азийы. Афтæма ма рывæра астæуккаг æмæ цыбыр радиусыл архайæг ракетæтæ ахæм позицитыл, кæцы тæссаг уыдзæн Уæрæсейæн.
АИШ, НАТО æмæ Уæрæсейы æхсæн ахастытæ фæстаг периоды тынг фæкарз сты. Уый аххос ссис Украинайы арæнты цур уырыссаг æфсæддон тыхы концентраци. Ныгуылæны сæ зæрдæ хсайы, ома Уæрæсе Украинайы ныхмæ агрессимæ цæттæ кæны. Йæхирдгæй Кремлы, бæлвырд кæнынц, цæмæй Украина нуыгуылæны æххуысæй рæзын кæны йæ æфсæддон хотыхтæ. Мæскуыйы мæсты сты уымæй цæмæ НАТО Уæрæсейы арæнты цур æфсмæддон маневртæ уадзы.