Украинайы специалон   антикоррупцион  прокуратурæ, Украинайы  экс-президенты ныхмæ  фæдагуырд райдыдта.  Петро Порошенкойы   кусæн барты  сæрты  ахизыны   зылынджын кæнынц.   Уагдоны  ахæлиугонд   фидиуæны  куыд дзырдæуы  афтæмæй,  зæгъгæ хъуыддаг  рæгъмæ хаст æрцыд  Порошенкойы æмæ  æндæр бæрзонд рангы  гæсты ныхмæ.

« Ист æрцыд  уынаффæ  æмæ  информаци хаст  у  тæрхонагъоммæ  фæдагуырдты  иууон реестрмæ» –  дзырдæуы Украинайы антикоррупцион   прокуратурайы  фидиуæны.

Сæрмагондæй та хъуыддаг æххæссы, Украинайы   электроэнергийы  амалиуæггæнæг    акæнæг  компани  «Центрэнергойы» хицауады  бæрзонд гæсты  снысан кæнынмæ.

«Бæрзонд гæстæ æмæ  компани  «Центрэнергойы»  æвджиддар советы  уæнгтæ,   Украинайы  паддзахадон сæрмæмулкы   фонды  бæрзонд гæстимæ  æмæ  хицауады  архайæг  уæнгтимæ иумæ,   фыдвæнд пайда кодтой  сæ  кусæн   бартæй  æмæ статусæй,   кæрæдзийæн  хай  кодтой  постытæ  «Центрэнергойы»  æвджиддар советы  æмæ хицаугæнæг оргæнты.  Уымæн  мысан уыд  уыцы  компанийы  мулкъ хибакæнын,   кæцыйы акциты  кантролон пакет дары  паддзахад. Ацы гоймæгты  къордæн координаци кодта  депутат  Игорь Кононенко  æмæ  Украинайы  раздæры  президент  Петро Порошенко» –  дзырдæуы  прокуратурæйы  фидиуæны.