Уæрæсе Украинайы территорийыл ноджы иу масштабон бабырст сарæзта.

Украинаг медийы информацийæ, хицауады ныхæстæм гæсгæ, Уæрæсе Украинæмæ ракетæтæ æмæ дронтæ ауагъта.

Сæ ныхæстæм гæсгæ, хæсты райдайæнæй иууыл тыхджындæр бабырст сыххæст æрцыд Волыны облæсты горæт Луцкмæ. Ацы этапыл амæттæгты фæдыл информаци нæй.

Бынæттон хицауад хъусын кæны, цæмæй бабырсты фæстиуæгæн цалдæр бæстыхай бахъыгдард ис æмæ зынгсирвæзт æрцыд. Æндæр лыстæгдзинæдтæ нырма сты æбæрæг.

Бынæттон хицауад хъусын кæны, цæмæй горæты тыхджын срæмыгъдты хъæр райхъуыст.

Украинайы уæлдæфон хъахъхъæнынады тыхты информацийæ, Уæрæсейы бабырсты рæстæджы «Кинжал» ракетæтæй æмæ хæстон дронтæй спайда кодтой. Бабырсты рæстæджы Киевы алфамбылай дæр райхъуыст срæмыгъдтæ. Харьковы, Донецкы, Полтавайы æмæ Черниговы облæсты уæлдæфон тревогæ расидтысты. Запорожьейы облæсты дæр ракетæйон бабырст сырæзт.

Йæ рады, Уæрæсейы хъахъхъæнынады министрад хъусын кæны украинаг дронты бырсты фæдыл. Сæ ныхæстæм гæсгæ, æхсæвыгон Уæрæсейы регионты æрæппæрстой 86 æнæпилотон аппараты. Дронты бырстытæ æрцыдысты Брянскы æмæ Белгороды облæсты, афтæ дæр Курск, Тула, Орлов, Мæскуыйы, Смоленскы, Воронежы æмæ Рязаны облæсты. Фæлæ Уæрæсейы хихъахъæнады министрад украинаг дроны бабырсты фæстиуæгæн цы зиан æрхаста, уый фæдыл ницы дзуры.