Турк раргом кодта  домæнтæ, кæцыты  сыххæст кæнын домы, Швеци æмæ Финляндийы   НАТО-йы  уæнгсуæвынæн  фарс рахæцынæн
Турк раргом кодта домæнтæ, кæцыты сыххæст кæнын домы, Швеци æмæ Финляндийы НАТО-йы уæнгсуæвынæн фарс рахæцынæн

Турк раргом кодта  домæнтæ, кæцыты  сыххæст кæнын домы, Швеци æмæ Финляндийы   НАТО-йы  уæнгсуæвынæн  фарс рахæцынæн.  Медийы хъусинагæй,   фыццаг  пункт у «конкретон гарантитæ»  Швецийæ, цæмæй Стокгольм  ныууадздзæн «Курдаг  Кусджыты Партийы» æмæ афтæдæр   оппозиционер   динамонæг  Фетулла Гюлены  организацийы  финансдзинад  æмæ фарсхæцын.  Ацы  дыууæдæр органицийы  Анкара  нымайы  террористон организацитæй.

Турк бæлвырд кæны, цæмæй Швеци «Курдаг кусджыты партийы» хæстифтонг кæны, уый нымæцы  дронтæй æмæ   танкыныхмæ  хæцæнгарзæй.  Афтæма Анкара  домы, цæмæй  Швеци аивæт  Туркæн 2019  азы  уагæвæрд  эмбарго  хæстæрмæгы экспортыл.  Турчы  хицауады  публикацигонд  фидиуæны  фæстаг  пункт  у – «терроризмимæ  тохы   глобалон æмгуыстад».

«Мах стæм НАТО-ы  гом дуары политикæйы   иузæрдыг, фæлæ  хъуыды кæнæм, цæмæй  альянс   æмæ кандидат бæстæтæ дæр хъуамæ æмкуыст кæной  терроризмимæ тохы тыххæй, æндæр сферæты  куыд цæуы, афтæ.  Æнхъæлмæ  кæсæм, цæмæй Швеци,  кæцы НАТО-йы  уæнгсуæвыны  фæндон  равдыста, сараздзæн принципон   къахдзæфтæ  æмæ конкретон  ныфсæвæрдтæ  бавдисдзæн, æдасдзинады уыцы  фарстатыл, кæцытыл  сагъæс  кæны Турк», –  дзырдæуы  фидиуæны.

Турк у НАТО-йы  иунæг уæнг, кæцы  Швеци æмæ Финляндийы  НАТО-йы  уæнгсуæвыны  тыххæй  нæзагъд ракодта.

Ныууадз комментари