Стыр Британийы æмбырды палатæйы Гуырдзыстоныл фæныхас кодтой, цы ран Европæйы Стыр Британийы паддзахадон министр Стивен Дауд фарстатæн дзуапп лæвæрдта.

Æмбырды палатæйы министрæн фарст лæвæрд æрцыд, «Ивгъуыд мæйы, Евросоветы Гуырдзыстоны опозицийы цалдæр уæнгимæ фембæлдтæн. Равдыстой мын графикон бæлвырдгæнæнтæ Гуырдзыстоны режим ивгъуыд парламентон æвзæрстыты агъоммæ, рæстæджы æмæ уый фæстæ цы æвирхъау физикон æфхæрд сарæзта, уымæн. Бидзина Иванишвили, Путины фарсылхæцæг олигарх æмæ дэ-факто Гуырдзыстоны хицау, дарддæр кæны сабырадон процессы æруромын, Уæрæсейы цы методтæй пайда кæнынц, уыдонимæ иухуызон методтæй пайда кæнгæйæ. Тыхми æмæ тæрсын кæнын хъыгдары политикон процесс. АИШ Бидзина Иванишвилийы ныхмæ санкцитæ сфидар кодта, фæлæ Бидзина Иванишвилийы хъæздыгдзинады фылдæр хай Иугонд Паддзахады кæнæ Стыр Британийы фæсарæйнаг территоритыл ис. «Министр йæхи бафæдзæхсдзæн, цæмæй Стыр Британи нæ æмцæдисонтимæ иумæ ахæм æгад тиранæн йæ исбон ныууазал кæна?»

Стивен Дауды ныхасмæ гæсгæ, Гуырдзыстоны хицауады æрдыгæй сабырадон демонстрантты æмæ журналистты ныхмæ тыхмидзинад тынг тыхсын кæны æмæ бынтон æнæрайсгæ у.

«Дзуаппæн мах урæдтам Гуырдзыстоны хицауадæн æххуысы программæтæ æмæ хихъахъæнады секторы арæнæвæрд æмкуыстдзинад, афтæ дæр «Гуырдзиаг бæллицимæ» арæнæвæрд æмкуыстдзинад». «Тыхмийы аххосджынтæн визæйы арæнæвæрдтæ æмæ санкцитæ сфидар кодтам æмæ дарддæр кæнæм куыст æппæтдунеон партнертимæ, цæмæй æххуыс кæнæм Гуырдзыстоны сæрибар æмæ гом æмбæстагон æхсæнадæн æмæ медийæн», – райхъусын кодта Стивен Дауд.

Уый расидтис, цæмæй нысаниуæгджын у, цæмæй Евросоветы алчидæр иумæ æрлæууа Гуырдзыстоны фарстайы фæдыл.

«Мæ бон у бузныг зæгъын ПАСЕ-йы делегацийы кусджытæн ахсджиаг куысты тыххæй, кæцытæ æххæст кæнынц, се æхсæн Гуырдзыстоны фарстайыл дæр». Иттæг нысаниуæгджын у  Европæйы Советы нæ европæйаг  коллегæтимæ иумæ лæууын  ацы  фарстаты фæдыл. Иугонд Паддзахад, АИШ-имæ координацийы, раздæр куыд загътон афтæмæй мидхъуыдтæгты министр æмæ йæ хæдивæгæн, афтæ дæр полицийы æртæ хистæр кусæгæн, кæцытæ сты бæрнон тыхмийы, журналисттыл бабырсты æмæ Гуырдзыстоны сабырадон демонстрантты ныхмæ санкцитæ сфидар кодта. «Кæд æмæ дарддæр кæнæм лæмбынæг цæстдард Гуырдзыстоны цаутæм, уæддæр нæ комментари кæнæм фидæны санкциты гæнæн снысан кæныны фæдыл, уымæн æмæ уый фæкъаддæр кæндзæн сæ æндæвдад». – райхъусын кодта Стивен Дауд.