Сомихыстоны,  фæстаг æхсæв-боны дæргъы,  коронавирусы  612  ног цау  рабæрæг ис, 13  фæрынчынуæвæг та  амард.Уый фæдыл   бæрæггæнæнтæ  Сомихы медиа,  бæстæйы æнæнизхъахъхъæды  министрады  низты  контролы  æмæ   профилактикæйы центры æнцойæ  хъусын кæны.

11 июны  бæрæггæнæнтæй,  Сомихыстоны æдæппæт  регистрацийы  ауагъдтой   «Ковид-19»-ы 15 281 цау. Амæттæгты  æмтгæйон нымæцы тыххæй куы зæгъæм,  уæд   Сомихыстоны официалон статистикæмæ гæсгæ,   344  адæймаг  амард  «Ковид-19»-æй. Сомихыстоны, вирусæй фæрынчынуæвæг  5 639 адæймагæн схос кодтой.

Сомихыстоны   æнæнизхъахъхъæды министрады бæрæггæнæнтæй, ацытæккæ  коронавирусыл  хос кæнынц  9 298 пациентæн.