Сомихыстон æмæ Азербайджаны хъахъхъæнынады министрадтæ арæныл уæвæг уавæры фæдыл информаци публикаци кæнынц
Сомиыхстоны æмæ Азекрбайджаны хъахъхъæнынады министрадтæ арæныл уæвæг ситуацийы фæдыл информаци публикаци кæнынц.
Сомихыстоны хъахъхъæнынады уагдоны хуъсинагæй, сæумæрайсомы 08:00 сахаты уавæрæй, арæныл уавæр нæ фæивдта.
«Ныхмæлæууæг дарддæр кæны артиллерийы, минææхсджытæй, æнæпилот тæхæн аппараттæй æмæ ставдкалибрджын хæцæнгарзæй архайын Варденисы, Соткийы, Артанишы, Ишханасары, Горисы æмæ Капаны æрдæмадæй, куыд æфсæддон афтæ æмбстагон инфраструктурæйы ныхмæ. Арæны хицæн фадгуытыл, æуынц позицион тохæмбæлдтæ. Ныхмæлæууæг нæ уадзы размæбырсты архайдтытæ», – дзырдæуы Сомихыстоны хъахъхъæнынады уагдоны фидиуæны.
Министрады хъусинагæй, Сомихыстон уæвæг уавæры фæдыл информаци бадæтта бæстæйы аккредитацигонд минæварадты æфсæддон атташетæн.
Сомихаг медиайы хъусинагæй, Азербайджаны гарзджын тыхтæ æхсæвы рæгмæ ГРАД-ы системæтæй æхстой Суникы зылды хъæу Карашенийы æрдæм. Базиан ис цалдæр бæстыхай, ничи фæцæф ис. Уыимæ рауагъдад «Ньюс АМ»- фыссы, цæмæй Азербайджаны æрдгæй хъæу Соткийы æрдæм артиллерион æхсты фæстиуæгæн фæцæф сты дыууæ сылгоймаджы.
Азербайджаны хъахъхъæнынады уагдон Сомихыстоны цæрæн рæтты æмæ æмбæстагон инфраструктурæйыл бомбæкалдыл нæ сæтты æмæ йæ дезинформацийæ хоны.
«Уыдæттæй сомихаг фарс архайы, басусæг кæна йæ масштабон провокаци æмæ æхсæнадæмон дзыллæй хъусдард аиуварс кæна», – дзырдæуы фидуиуæны.
Уæвæг уавæры фæдыл куырдиат пбликаци кæны Азербайджаны фæсарæн хъуыддæгты министрад.
«12 сентябры æхсæв, Сомихыстоны гарзджын тыхты дæлхайадтæ, Сомихыстон-Азербайджаны паддзахадон арæн Дашкесаны, Калбаджары æмæ Лачины æрдæмадтыл егъау масштабон провокаци сыххæст кодтой. Азербайджаны хъахъхъæнынады министрады информацийæ, æхсæвы Сомихыстоны гарзджын тыхты диверсион балтæ спайда кодтой хохджын рельефæй æмæ кæмттæй, Азербайджаны æфсады хайадты позициты æмæ ифтонгады фæндæгты æхсæн территоритæ æндæр æмæ æндæр æрдæмадæй халæн гарзгтæй сифтыгъдтой. Уый æддæмæ ма, Сомихыстоны гарзджын тыхтæ æндæр æмæ æндæр типы хæцæнгарзæй, уый нымæцы минææхсджытæй интенсивон æхст бакодтой Азербайджаны æфсады позициты æрдæм, Дашкесаны, Калбаджары æмæ Лачины районты. Уый фæстиуæгæн ис амæттаг неæ гарзджын тыхты сæрмагонд сконды, базиан ис æфсæддон инфраструктурæ» – дзырдæуы Азербайджаны фæсарæн хъуыддæгты министрады фидиуæны.
Æддагполитикон уагдоны информацийæ, Азербайджаны хицауад фæнысангонд æрдæмадтыл æфсæддон хайадтæ арвыста æмæ карз дзуаппон мадзæлттæ скодта. Азербайджаны æддагполитикон уагон Сомихыстоны æхсæнадæмон барады æмæ æртæфарсон бадзырдты гуырымыхъхъ хæлды аххосджын кæны.