Премьер-министр Ираклий Къобахидзе æмæ парламенты сæрдар Шалва Папуашвили Кавказы медицинон центры Гуырдзыстоны Каталикос-Патриархы  Илья Дыккагы  бабæрæг кодтой.

Семæ сты хъахъхъæнынады министр, стæй закъондæттæн æмæ æххæстгæнæн хицауады минæвæрттæ.

Бæрæг куыд у, афтæмæй медицинон консультаци нырма дæр цæуы. Æндæр æмæ æндæр медицинон уагдæтты реанимацион хайæдты разамонджытæ уынаффæ кæнынц дзæбæхгæнæн фидæны къахдзæфтыл, уый нымæцы æнæмæнгхъæугæ у æви нæ фæсарæнтæй специалистты æрбахонын.

Гуырдзыстоны Каталикос-Патриарх Илья Дыккаг йæ æнæниздзинады фæцудыды тыххæй æрæгмæ æхсæвы Кавказы медицинон центрмæ раивтой. Дохтырты ныхасмæ гæсгæ, Патриархæн йæ гуыбынæй тынг туг цыд, цæй тыххæй дæр сарæзтой æмбæлон процедурæтæ æмæ тугцыд æрлæууыд. Кавказы медицинон центры информацийæ, Илья Дыккаг ныртæккæ уæззау рынчынты хайады улæфæн аппараты æххуысыл ис.