НАТО-Гуырдзыстоны ахуырты æмæ аргълæвæрды иумæйаг центры (JTEC) бындурæвæрдæй  фондз азы рацыд.  Бæрæгбонон  мадзалыл уыдысты  Гуырдзыстоны хъахъхъæнынады министры фыццаг хæдивæг  Лела Чиковани, хъахъхъæнынады  тыхты сæргълæууæг, инæлар-майор  Гиорги Матиашвили, НАТО-Гуырдзыстоны архайадон пакет (SNGP) сæйраг къорды минæвæрттæ, афтæма, ц ентры, АИШ-ы æфсады  æмæ денджызон фистæгты  сæрмагонд сконд æмæ æндæр  хуынд  уазджытæ.

«НАТО-Гуырдзыстоны ахуырты æмæ аргълæвæрды иумæйаг центр (JTEC), националон ахуырадон центр «Кърцъанисы» базæйыл  2014 азы  Уэльсы саммитыл Гуырдзыстонæн лæвæрд, НАТО-Гуырдзыстоны архайадон пакеты (SNGP)  фæлгæтты  уыд бындурæвæрд. JTEC алы æмвæзадыл быдырон  симуляцион  æмæ виртуалон ахуыртæ, куыд сæрдæртты æмæ   бригадæтæн, афтæдæр батальоны, ротæ æмæ  дыууын лæгон иугæндтæн цæуы.

Ахуырты центры инициативæйы фæлгæтты  гуырдзиаг  æфсæддон  службæгæнджытимæ иумæ,  бындурæвæрды фыццаг бонæй  баст сты  НАТО-йы  уæнг æмæ   партнер бæстæты  архайæг  æфсæддон гæстæ.  Уынаффæгæнджыты  къорды сты  Норвегийы, Лиетувæйы æмæ  Стыр Британийы  минæвæрттæ.

Гуырдзыстон-АИШ-ы  дыууæфарсон  æмгуыстады фæлгæтты JTEC-ы бавдыст у АИШ-ы денджызон фистæгты  корпусы æмæ æфсады контингенттæ, афтæдæр  куыд  æмбæстагон экспертты  къорд.  Абоны бонмæ  JTEC-ы скондмæ хауынц  цыппар  центры:  хæцынмæ бацæттæйы  центр, сабырадон операциты ахуыргæнæн центр, ахуырты æмæ  алргълæвæрды центр  æмæ сæргълæууæгон-штабон  ахуырты центр»-  банысангонд у  хъахъхъæнынады уагдоны информацийы.