Гуырдзыстоны  парламенты æддæ ахастыты  комитеты  делегаци,  комитеты сæрдары, Николоз Самхарадзейы  къухдариуæгæй, официалон визитæй   Францы  сæйраг горæт Паризы  ис.

Визиты фæлгæтты  парламентон  делегаци  хайад райста Паризы  хъахъхъæнынады æмæ стратегийы форумы, кæцы  ацы  аз фыццаг хатт цæуы.

Николоз Самхарадзе  раныхасгæнæджы рангы  райста хайад   панелы –  «Европæйы ног  арæнтæ»,  кæцыйы  уый  регионы  цæугæ  фæзындтыл æмæ уæвæг  æдасдзинады  расидтытыл  фæныхас кодта.

Æддæ ахастыты комитеты сæрдар  Евроцæдисы æмæ НАТО-йы  ауæрæхы политикæйы æмæ Европæйы  æдасдзинады  сифтонг кæныны  процессы  Гуырдзыстны  нысаниуæгджын ролмæ раздæхта йæ  хъусдард.

«Нырид 15 азæй фылдæр рацыдис, Бухаресты саммитыл   махæн æмæ Украинайæн куы баныфвæрдтой, цæмæй суыдаиккам  НАТО-йы  уæнгтæ. Гуырдзыстон  алцыппæт сарызта  уыцы хæслæвæрдтæ  сыххæст кæнынæн, кæцыты домтта  НАТО-йы  уæнгдзинад æмæ  мæ фæнды  зæгъын, цæмæй  абон Гуырдзыстон æххæстæй  æмбынатин у  НАТО-ы  уæнгсуæвыны  стандарттимæ.  Нæкæсгæ уымæ, нæ  уæнгдзинадæн  хъæуы   политикон  уынаффæ рахæссын, кæцыйы фæрцы Гуырдзыстон  суыдзæн  альянсы уæнг.  НАТО-ы ауæрæхыл ныхасы рæстæджы, альянсы  уæнгтæ  бирæ  æндиуддæр хъуамæ уой.  Мах хъæуы ныгуылæны  фидар лидердзинад, кæцы  дырыс æмæ æндиуд уынаффæ рахæсдзæн», – райхъусын кодта Николоз Самхарадзе.

Паризы  хъахъхæнынады æмæ стратегийы  форум фыццаг хатт цæуы  Францы.  Уым хайад исынц  Европæйы бæстæтæй  уынаффæтæ исæг  уæнгтæ, политиктæ æмæ  эксперттæ. Фæнысангонд   форум организаци скодта  Францы парламент, хъахъхъæнынады министрад æмæ Шуманы фонд.

Информаци хъусын кæны Гуырдзыстоны парламенты пресскуыст.