Гуырдзыстоны экономикæ  æмæ æнæфæцудгæ  рæзынады  министр Натиа Турнава  зындгонд  швейцариаг  компани  «Штадлеры»  къорды  президент Питер Шпулеримæ  фембæлд.

Экономикæ æмæ æнæфæцудгæ рæзынады  министрады  информацийæ,   фембæлдыл   экономикæйы æмæ  æнæфæцудгæ рæзынады министр Натиа Турнава, «Штадлеры»   минæвæрттæн  Гуырдзыстоны  уæвæг  стабилон,  фидар  бизнесæрдз æмæ уыцы уæлидзинæдтæ  базонын кодта,  цæмæй дæр Гуырдзыстонмæ æрцæугæ  фæсарæйнаг инвестортæн сæ бон у спайда кæнын, сæ нымæцы  Евроцæдисимæ арв æмæ æппæтылæххæссæг  сæрибар  базарадон  бадзырды фæлгæтты, 2,3  миллиарды йас  рæувадат Европаг  базар.

Натиа Турнавайы  фидиуæнæй,   «Штадлер»  гуырдзиаг  базары ныры онг сæрмагонд  конд  вагонтæй ифтонг кодта æмæ  рад тæндерты дæр уыдис баст, фæлæ  нырид ис гæнæн семæ  диалог райдайын  фылдæр  æмгуыстадыл, сæрмагондæй та  Гуырдзыстоны  завод  байгом кæныныл.

Дунейы поездты  аразæг  лидер швейцариаг  компани «Штадлер»  1942 азы  æрцыд бындурæвæрд.  Компанийы уæййагы бæрц у  3,46 миллиард доллары онг, дунейы  æндæр æмæ æндæр  бæстæты та, сæ  заводты  æмтгæй райсгæйæ  10 900  адæймаг кусы.

Фембæлдыл уыдысты  «Штадлеры» маркетингы æмæ  уæйы  æххæстгæнæг   вице-президент Ансгар  Брокмайер, ХПÆ-ы  бæстæты  маркетингы æмæ  уæйы  директор  Матиас Штор, Гуырдзыстоны  Швейцарийы  минæвар  Патрин  Францен. Афæтæма агентад  «Араз Гуырдзыстоны»  директор  Михеил  Хидурели  æмæ «Гуырдзыстоны Æфсæнвæндаджы»  генералон  директор  Давит Перадзе.