Багъдаты   муниципалитеты хъæу Нергеты   ирвæзынгæнджыты уагъд   агуырд-ирвæзынкæнæн мадзæлтты фæлгæтты, ацы  рæстæгмæ, фервæзын кодтой æмæ йæ æдас ранмæ  акодтой   иу  æмбæстагы,  афтæма  ссардæуыд   æртæ мардыбуар,  агуырд-ирвæзынкæныны  мадзæлттæ   дарддæр кæнынц  æхсæз гоймагы  бацагурынмæ, – уый фæдыл  дзырдæуы мидхъуыддæгты министрады  фидиуæны.

Уагдоны информацийæ, стихийы  зонæйы   ис  уæлвæтк уавæрты  куысты  хистæр Темур Мгъебришвили, кæцы  къухдариуæг кæны  цæугæ  куыстытæн.

«Имереты регионы уæлдайджын дæлдзырæтты  тыххæй рацыд сыджытлæсæн, кæцыйы фæстиуæгæн  зæххы массæйы бын фесты   цыппар цæрæн хæдзары. Бынатыл нырид  цалдæр сахат у  мидхъуыддæгты министрады  уæлвæтк уавæрты  куысты зынгхуыссынгæнæг-ирвæзынгæнджытæ,  уæлвæтк режимы кусынц.

Стихийы бынатыл ис 200-йæ фылдæр  зынгхуыссынгæнæг-ирвæзынгæнæг, бынæттон хицауады  æмæ мидхъуыддæгты министрады æндæр æмæ æндæр  дæлхайады  минæвæрттæ, афтæма  мобилизацигонд у æмбæлгæ техникæ, дронтæ,  кинологты къорд æмæ  активон  режимы цæуынц  куыстытæ», –  банысангонд у  фидиуæны.

Багъдаты  хъæу Нергеты  сыджытлæсæн æхсæвы рæгмæ рацыд.