Гуырдзыстоны фæсарæн хъуыддæгты министр Мака Бочъоришвили Анталийы дипломативон форумы фæлгæтты Кувейты фæсарæн хъуыддæгты министр Абдулла Али Аль-Яхьяимæ фембæлд.

Фарсытæ Гуырдзыстон æмæ Кувейты паддзахады æхсæн æмкуыстдзинады уæрæх спектр æмæ бæрзонд æмвæзады визитты ивды фæдыл фæныхас кодтой.

Ныхас цыд дыууæ бæстæйы ахастытыл базарады, инвестицион æмæ туризмы фадгуыты, стæй экономикон æмгуыстады иумæйаг къамис саразыны хъæппæрисыл. Акцент æрцыд Кувейты инвестицион фондтимæ æнтыстджын æмгуыстадыл, афтæ ма банысан кодтой бæстæты æхсæн базарадон бастдзинæдтæ фидар кæныны рæзгæ потенциал.

Фарсытæ æркастысты ахуырад æмæ культурæйы фадгуыты ахастытæм дæр. Адæмы æхсæн бастдзинæдты интенсификаци æмæ Кувейтæй Гуырдзыстонмæ уазæгты рæзгæ динамикæ, кæцытæн æххуыс кодтой регулярон комкоммæ рейстæ, æвæрццагæй аргъгонд æрцыдысты.

Уый фæдыл информаци Гуырдзыстоны æддаг хъуыддæгты министрады пресс-куыст парахат кæны.