Гуырдзыстоны хицауады сæрдары хæдивæг æмæ фæсарæйнаг хъуыддæгты министр Мака Бочъоришвили Таджикистанмæ визиты рæстæджы фембæлд республикæйы фæсарæйнаг хъуыддæгты министр Сироджиддин Мухриддинимæ.

Гуырдзыстоны æттаг хъуыдтæгты министрады информацийæ, министртæ дыууæфарсон æмкуыстдзинады æмæ æхсæнадæмон организациты мидæг æмкуыстдзинады фарстатыл фæныхас кодтой. Афтæ дæр бахахх кодтой Гуырдзыстонæй бæрзонддæр æмвæзадыл фыццаг официалон визиты нысаниуæгдзинад, кæцы фидар бындур аразы партнерады фæарфдæр кæнынæн.

«Ацы контексты банысан ис Гуырдзыстон æмæ Таджикистаны æхсæн алкæмæй бæрзонддæр æмæ бæрзонд æмвæзады диалог бахъахъхъæныны æнæмæнгхъæуындзинад.Сæрмагонд хъусдард сцырын ис «Астæуккаг къæлидоры» размæцыды нысаниуæгдзинадмæ æмæ регионалон æмкуыстдзинады æрдæм тыхархайдтыты фæтыхджындæр кæнынмæ», -ис фыст æттаг хъуыдтæгты министрады фидиуæны.