Гуырдзыстоны æмбæстæгтæн санкцитæ лæггад кæны Гуырдзыстоны политикон боны фæтк саразынæн, кæцы нысаниуæгджынæй зиан хæссы дыууæ бæстæйы æхсæн историонæй арæзт ахастытæн æмæ партнерадæн, – уый фæдыл Гуырдзыстоны фæсарæн хъуыддæгты министр Мака Бочъоришвили Иугонд Паддзахады æрдыгæй æвæрд санкциты фæдыл ныхасы рæстæджы расидтис.

Фæсарæн хъуыддæгты министрады сæргълæууæг куыд банысан кодта афтæмæй, Стыр Британийы æрдыгæй Гуырдзыстонмæ бабырст, санкцитæй куыд фæрæзæй пайда кæнынæн ис цыдæр кампанион равг.

«Мах уынæм, цæмæй къæпхæнгай, рæстæгæй-рæстæгмæ æндæр æмæ æндæр адæймæгтæн санкцитæ цæуынц уыцы иу аххосагæй, кæцы фыццаджы дæр лæггад кæны Гуырдзыстоны мидæг политикон боны фæтк саразынæн æмæ ацы фарстатæ мидполитикон дискусситы темæ скæнынæн, æмæ кæй зæгъын æй хъæуы, уый у ахæм къахдзæф æмæ фæрæз, кæцы нысаниуæгджынæй зиан хæссы дыууæ бæстæйы æхсæн историон æгъдауæй сфидаргонд ахастытæн æмæ партнерадæн. Кæй зæгъын æй хъæуы, уый къуылымпы кæны нæ дывæрсыг æмкуысткæнынад æмæ гæнæн ис æмæ нын зиан хæсса цыфæнды иумæйаг интерестæн дæр» Мака Бочъоришвили банысан кодта.

Фæсарæн хъуыддæгты министр банысан кодта, цæмæй бирæ фарстатæн ис гæнæн ис параллелтæ скæнын æмæ фендзыстæм, куыд æххæстгонд цæуынц дывæрон стандарттæ Гуырдзыстоны цауы.

«Демокративон дунейы алы ран цы барлæвæрд ис, хъыгагæн, Гуырдзыстоны азты дæргъы цæуы куыд демократийы регресси, æмæ уый Гуырдзыстонмæ ахасты цыдæр кампанион характер райста», – райхъусын кодта Мака Бочъоришвили.