Уæрæсе дарддæр кæны куыст америкаг фарсимæ, мах здæхæм дарддæр кæнын тыхархайдтытæ сабырадмæ баххæсыны тыххæй – уый фæдыл Кремлы пресс-спикер Дмитрий Песков расидтис.

«Мах æмæ президент Путин æххуыс кæнæм сабырадмæ баххæсынæн, нæ бæстæйы интерестæ сифтонг кæнгæйæ. Уый у æнæмæнгхъæуæг уавæр. Ацы куыст дарддæр кæны», — банысан кодта Песков.

Кремлы пресс-спикер афтæдæр нæ сбæлвырд кодта, цæмæй Уæрæсе Киевы æрдæм бырст сарæзта.

«Нæ, уый у мæнг ныхас. Украинæйы фарс дарддæр кæны йæ пропагандæ. Нæ æфсæддонтæ дарддæр кæнынц «сæрмагонд æфсæддон операци», æххæст кæнгæйæ сæ хæслæвæрдтæ, кæцытæ сæвæрдта Уæлдæр Сæйраг Командæгæнæг, æмæ уый фæлгæтты æххæст кæнынц æхстытæ æфсæддон объекттыл», — бафтыдта Песков.

Фæлæ, Дмитрий Песковы ныхæстæм гæсгæ, АИШ-ы президенты расидæн, зæгъгæ, Украинæ раджы фесæфта Хъырым, æмдзу кæны сæ хъуыдыимæ.