Оппозицийæн, фæнды ныппырх уа, фæнды иугонд, политикон аренæйыл æнтыст райсыны шанс нæй – уый фæдыл сæйраг сахары мэр Каха Къаладзе, оппозицийы фидæны плæнтты фæдыл медиимæ ныхасы рæстæджы расидтис.

Каха Къаладзейы расидæнмæ гæсгæ, оппозици æвзæрстыты фæдыл æддейæ амындтытæм æнхъæлмæ кæсы, фæлæ адæмы фарсылхæцындзинадæй, бынæттон æвзæрстыты «Гуырдзиаг Бæллиццы» фæуæлахиз уыдзæн.

«Радикалтæ хицæн сты æви иугонд, уый ницы нысаниуæг ис». Сæ хицæутты фæндыд иу фæзуат саразын, алкæй дæр баиу кæнын, фæлæ, бæрæг у, уый нæ рауад. Сæ рæстæг æрвитынц кæрæдзийы æлгъыстæй. Оппозицийæн, куыд ныппырх, афтæ иугондæн дæр, политикон аренæйыл æнтыст райсыны фадат нæй. Æвзæрстытæм та цы хауы, уый бæрæг нæу, сæ зондахаст цахæм уыдзæн, цы уынаффæ рахæсдзысты, уый. Бæрæг у, æддейæ сын цы зæгъой, уый бакæндзысты, уымæн æмæ уыдон сæхицæн не сты. Уымæ гæсгæ æнхъæлмæ кæсынц æддейæ амынддзинæдтæм. Иу муниципалитеты дæр сын уæлахизы фадат нæй. «Гуырдзиаг адæмы фарсылхæцындзинадæй, бынæттон хиуынаффæйады æвзæрстыты уæлахиздзау уыдзæн «Гуырдзиаг Бæллиццы» – банысан кодта Каха Къаладзе.